974 Attitude

Est ce que zot y connais des personne lé maloki, franchement la réunion néna un tas maloki. Fiouuuu mi explique pas zot. Alors déjà néna l’okipeur ester comme dit KM néna maladie maloki. Mi lé a peu près sur que zot toute ici y connais un moune lé maloki. Un maloki c’est un type de personne qui sera toujours souriant. Ou doutera pas ou que ce moune la dans out dos bin comment dire li lé comme un poule blanc. Li lé jaloux de ce qu’ou néna. Li va fait toute pou avoir plus gros que ou néna. Exemple, si demain ou achette un audi le maloki li vien voir a ou juste pou félicite a ou alors généralement la scéne lé simple :

• Mr Maloki : Oté mon frere !! ou néna un jolie loto !!!
• Mr Payet : Merci !!!!
• Mr Maloki : Combien ou la paye le l’auto ?
• Mr Payet : dans les 50 000
• Mr Maloki : Ah moins mi sa tire à moins un l’auto à 70 000 y passe mieux. Toute façon model la lé un peu ancien. Mi sa achette le nouveau model sera mieux.

La jalousie, premier défaut du maloki en plus mr maloki lé occupeur. Ah oui pou occupe à ou bin li va occupe a ou. Li connait combien z’enfants ou néna ou ça ou travail quel heure ou dors ou même quel heures ou ça va cabinet. De moune comme ça y pourri out vie. La tout ce que ou néna lé obliger li néna aussi ou sinon li na mieux, de moune comme ça y pourri out vie ça ou laisse à li la bin li va vole out femme aussi. Partout néna maloki seulement mon dieu comme dit Double R “mon tête la pou péter ou ça ou sa va maloki y suive à twé”. Un maloki lé reconnaissable pou li, li sera toujours plus beau que ou, plus riche, plus drole et surtout bin quand on va gagne sorte de un problème ce Mr maloki la li sera pas content ou va voir pareil li lé triste, abattu. Mé ce moune la li sera maloki toute son vie. Quand on passe dans out loto li lé entrain parle avec Mme Comère le dialogue de ces deux personnages lé intéréssant, y fé a ou un grand sourire en même temps band na lé entrain dit :

• Mme Comère : Regarde ce marmaille comment y fe l’intéréssant a coz loto lé neuve
• Mr Maloki : Mi di aou Mme Comère mi serait content y fait un l’accident y craze le loto

Dents Blanc KER noir